ద్విపదభాగవతం - మధురకాండ : అక్రూరుఁడు విదురునియింట విడియుట
విడియు మట్లనిచెప్పి వీడ్కొల్పుటయును;
నతనిమందిరమున కరుగంగ విదురుఁ
డతులితగంధపుష్పార్చన లిచ్చి
పొలుపార మజ్జనభోజనవిధులు
సలిపి ఇద్దఱు మృదుశయ్యల నుండి
హరి జనించిన, మొదలై, వచ్చి మధుర
దొరసి యేలుచునుండఁ దుదియైనలీల
లక్రూరుచే విని హర్షాశ్రులొలుకఁ
జక్రాయుధునిఁ దల్చి సాష్టాంగ మెఱఁగి
పులుకలు మైఁగ్రమ్మఁ బుండరీకాక్ష! - 470
జలశాయ! గోవింద! శౌరి! శ్రీకృష్ణ!
అని భక్తిఁ గీర్తించి యతనిఁ దోడ్కొనుచుఁ
జనుదెంచి పాండుని సతి యింటికడకు